15 қараша – қалдықтарды қайта өңдеу күні

Дүниежүзілік қайта өңдеу күні кейбір елдерде жыл сайын 15 қарашада атап өтіледі. Бұл мерекенің басты мақсаты – биліктің, өндірістік құрылымдардың назарын осы тақырыпқа аудару.

Қайта өңдеудің негізгі міндеті – шектеулі ресурстар мәселесін шешу, арзанырақ шикізатты пайдалану арқылы дайын өнімнің өзіндік құнын төмендету және қоршаған ортаның ластануымен күресу.

Бұл мерекені американдықтарды қалдықтарды қайта өңдеуге және қайталама шикізаттан жасалған өнімдерді сатып алуға ынталандыру үшін экологтар алғаш рет 1997 жылы тойлаған. Осы жылдарда бұл мереке басқа елдерде де, Қазақстанда да өткізіліп келеді. 

Қалдықтар проблемасы әсіресе екі негізгі себепке байланысты өзекті болып тұр. Оның салдары адамзат үшін өте ауыр болуы мүмкін.

Бір жағынан, жер бетінде бар табиғи ресурстардың қоры шексіз емес. Оларды ұтымсыз пайдалану бүгінде адамзат осы ресурстардың үштен бір бөлігін жұмсап қоюына себеп болып отыр. Сондықтан оларды үнемді жұмсау, сонымен бірге оларға балама іздеу және бұрыннан пайдаланылған шикізатты қайта өңдеу маңызды.