Ауыл тұрғыны бөлімшеге хабарласып, көшелердің бірінде ерекше құсты кездестіргенін және оның көмекке мұқтаж болуы мүмкін екенін айтқан.
“Учаскелік инспектор Еркебұлан Мұратұлы бірқазанды қарап шығып, Өскемен ветеринария клиникасының мамандарын шақырды. Дәрігерлер келіп жеткенге дейін полиция қызметкері жараланған құсты аш жүрген қаңғыбас иттердің шабуылынан қорғаған. Көп ұзамай “Қызыл кітапқа” енген құс мамандардың қолына тапсырылды”, – делінген ақпаратта.
