7 қыркүйек – таза ауа күні
Бұл күнді 2019 жылы БҰҰ Бас Ассамблеясы бекіткен. Көк аспанға арналған Халықаралық таза ауа күні қоғамның назарын климатқа, адам денсаулығына кері әсер ететін ауаның ластану проблемасына аудару мақсатында атап өтіледі.
Экологиялық мониторинг ақпаратына сәйкес Қазақстанның 10 қаласында атмосфералық ауаның жоғары ластану деңгейі байқалады. Олар – Нұр-Сұлтан, Алматы, Қарағанды, Теміртау, Атырау, Ақтөбе, Балқаш, Өскемен, Жезқазған және Шымкент қалалары. Олардың үлесі 2,5 миллион тонна болатын ластаушы заттардың шығарындысын құрады.
Министрлік жұртшылықпен, аймақтардағы экобелсенділермен бірлесіп, 2025 жылға қарай экологиялық проблемаларды шешу мен атмосфералық ауа жағдайын жақсартуға бағытталған 17 жол картасын әзірлеп жатыр.
